استاذ فهمان يطل يوميا ليفهمنا اننا صغار صغار صغار ويشعرنا بعقدة الصغر وذلك من خلال جمل مركبة تهكمية ممسخرة ملطوشة ممعنة فان اولتها بالاخير تاويلك خاطئ لان تلك الجملة لا يفهمها الا حضرة الفهمان ، وفهام !

فهام انك المعني باللطشة وان فهمت انك من يحاول افهامك انك الملطوش اعلاه يعود لتفاصيل العبارة غير المفهومة اساسا ليقول لك : انو ما في غيرك بهالدني تالطشوا !

ما هوي فهمان … يفهم في السياسة وما في غيروا على وج هالارض يتقن حربقة السياسة فخيط الوطن يمر عبر انامل رجليه وينتهي امام فهماتوا فيفصفص لنا الخبر عاساس هوي السياسة الذي يطقطق حناك السياسة … شو نسينا : هوي فهمان !

مش بس هيك …. لم تنتهي القصة ها هناك …. القصة بدات انه فهمك قبل ان يراك “بششش ش ش ش ش ش شو بيفهم هالاستاذ ” فهم افكارك وبنات افكارك وحاجاتك ومصائبك من حرف من ربع حرف شو نسينا : ما هوي فهمان ….

بس يلي مش فاهمينوا …. من وين جايب الفهم كلوا؟

استاذ فهمان حتى يملك جزء من هذا السر العلوي …. يدر ان اساس فهمه قدرة الهية ربانية قدرية تعجيزية على علاقة بالملاك سيروفين وصديقه ميروفين …. بالتالي حضرتوا كتير بيفهم وما بيفهم الا يلي فاهموا ومن اجل ذلك نحنا زغار …. وبلا زغرا بالفهمان

وهنا في حال اردنا الاستفسار عن تفاصيل نفهما ، تنفهم قد ربع لي بيفهموا … نجد ان حتى تفاصيل فهمه لسنا على قدر فهمنا … وشو فهمنا! اننا اما لسنا من اصحاب الفهم “تعتير يعني” ، ام هو فاهم زيادة عن الزوم ، اما فهمنا مش عفهموا !

استاذ فهمان بحبك اسالك : فهمت انك منك فاهم شي من شي وان هذا المقال لطشة مفهومة؟

…(للتوضيح فقطLebjournal.com  ©

http://www.lebjournal.com/newz/?p=117